Erba’ timijiet kisbu post fis-semifinali tal-kampjonat nazzjonali tas-sajf organizzat mill-Assoċjazzjoni Maltija tad-Darts hekk kif spiċċaw fl-ewwel żewġ postijiet tal-klassifika fil-grupp rispettiv tagħhom.
PO’s Bar ikkonfermaw l-ewwel post tagħhom fi grupp B wara li kellhom walk-over ta’ 6-0 fuq Sliema Inter DC. Mat-tim mill-Gudja ikkwalifikaw ukoll Manchester Conquest Pub bħala t-tim fit-tieni post. Għalxejn kienet ir-rebħa ta’ 3-2 li St Paul’s Diamonds kisbu kontra Duke’s Bar minħabba li huma nqalgħu minn din il-kompetizzjoni.
Fi grupp A, Ħamrun Bayern u Floriana Ajax wkoll ikkonfermaw posthom għal mal-aħħar erbgħa tal-kompetizzjoni. F’partita waħda ferm interessanti li ntlagħbet minn dan il-grupp, Floriana Ajax u Żebbuġ Rangers temmew il-konfront ta’ bejniethom fi dro ta’ 3-3.
Sadanittant il-ġimgħa d-dieħla jintlagħbu s-semifinali ta’ din il-kompetizzjoni fejn Ħamrun Bayern jilagħbu kontra Manchester Conquest Pub filwaqt li Floriana Ajax jilagħbu kontra PO’s Bar.
Il-finali hi skedata li tintlagħab nhar il-Ħamis 15 ta’ Settembru.
Klassifika Finali – Grupp A
Ħamrun Bayern 19, Floriana Ajax 12, Top Gun Bar 8, Żebbuġ Rangers 4
Klassifika Finali – Grupp B
PO’s Bar 19, Manchester Conquest Pub 16, St Paul’s Diamonds 13, Sliema Inter DC 10, Duke’s Bar 0
