Floriana Ajax A kisbu t-tieni rebħa tal-istaġun fil-kampjonat tal-Ewwel Diviżjoni organizzat mill-MDA meta ftit sabu diffikulta’sabiex jegħlbu lil Manchester Conquest Pub 7-1.
Minkejja li t-tim mill-Kottonera ġab l-iskor indaqs fl-ewwel parti tal-logħba, il-Furjaniżi kienu determinati li jiksbu l-massimu u komplew jirbħu l-punti filwaqt li kisbu sitt games oħra.
Education Bar kisbu l-ewwel rebħa staġjonali f’partita missielta kontra Ħamrun Bayern A bl-iskor finali jkun dak ta’ 5-3. Minkejja kollox, it-tieni tim ta’ Bayern rebaħ 6-2 lil Sliema Inter Darts Club.
Fgura Kenky Cars kisbu rebħa prezzjuża ta’ 6-2 kontra Top Gun Bar.
Mit-tieni diviżjoni, Birżebbuġa Lions iddominaw u għelbu lil Cox Bar 7-1 filwaqt li Fgura Maypole komplew mal-ġurnata pożittiva tal-klabb tagħhom hekk kif rebħu 6-2 lill-Imqabba tal-Ġilju.
PO’s Bar Gudja xxalaw u għelbu 8-0 lil Floriana Ajax B.
Mit-tielet diviżjoni, Żejtun Domus u Birgu Boċċi Club kellhom logħba mill-isbaħ u bilanċjata bl-iskor ta’ 4-4 li kien l-iktar riżultat ġust.
Duke’s Bar għelbu lil Leah’s Bar 6-2 filwaqt li Żebbuġ Rangers FC kisbu rebħa kbira ta’ 7-1 fuq Mqabba FC.
