Ħamrun Bayern huma l-uniku tim b’punti massimi wara tliet logħbiet li ntlagħbu mill-kampjonat tas-sajf organizzat mill-Assoċjazzjoni Maltija tad-Darts. Il-Ħamruniżi ftit sabu diffikulta’ sabiex jegħlbu lil Żebbuġ Rangers 5-1 f’logħba li amministraw bl-aqwa mod possibbli.
B’Ħamrun li huma favoriti li jirbħu grupp A, is-sitwazzjoni għal min jista’ jiġi fit-tieni post hi waħda ferm interessanti bi tliet timijiet mifruda bi tliet punti biss. F’partita oħra minn dan il-grupp Top Gun Bar u Banda Birżebbuġa 1990 spiċċaw fi dro ta’ 3-3.
Fi grupp B, PO’s Bar kisbu rebħa dominanti ta’ 5-1 kontra Duke’s of Connaught sabiex b’hekk telgħu fl-ewwel post tal-klassifika u laħqu lil Manchester Conquest Pub li b’sorpriża sfaw megħluba minn Sliema Inter DC 4-2.
KLASSIFIKA – GRUPP A
Ħamrun Bayern 9, Top Gun Bar 4, Floriana Ajax 3, Banda Birżebbuġa 1990 1, Żebbuġ Rangers 0
KLASSIFIKA – GRUPP B
Manchester Conquest, PO’s Bar 6, St Pauls Diamonds, Sliema Inter 3, Duke’s Bar 0
