Ħamrun Education u Manchester Conquest Pub komplew għaddejjin bil-mument pożittiv tagħhom meta rebħu logħbiet kruċjali sabiex telgħu aktar ‘il fuq fil-klassifika.
Manchester Conquest Pub rebħu d-dwell iebes li tawhom Fgura Kenky bl-iskor finali ta’ 5-3 jixhed dan kollu. Il-Fgurin kienu darbtejn minn fuq iżda t-tim mill-Isla kienu kapaċi dejjem iġibu l-iskor indaqs bl-aħħar żewġ games ikunu favorevoli għalihom.
Ħamrun Education ma sabuhiex daqshekk faċli kontra Sliema Inter Darts Club għalkemm xorta rebħu 5-3.
Ħamrun Bayern A kisbu rebħa tajba ta’ 6-2 kontra Top Gun Bar.
Fit-tieni diviżjoni, Birżebbuġa Lions saħħew il-quċċata tal-klassifika meta ddominaw il-konfront kontra Fgura Maypole u rebħu 8-0.
Floriana Ajax MCP kellhom rebħa kbira ta’ 7-1 kontra Mqabba tal-Ġilju.
Fit-tielet diviżjoni, Birgu Boċċi Darts Club baqgħu fl-ewwel post wara suċċess ta’ 5-3 kontra Duke’s A. Mill-banda l-oħra, it-tieni tim ta’ Duke’s kiseb rebħa faċli ta’ 7-1 kontra Mqabba FC.
