Il-leaders tal-kampjonat tal-Ewwel Diviżjoni Floriana Ajax Premier Cars ġew miżmuma fi draw ta’ 4-4 minn Birżebbuġa Lions hekk kif intlagħbet l-aħħar ġurnata tal-ewwel round ta’ din il-kompetizzjoni.
Iż-żewġ timijiet bdew jalternaw il-vantaġġ tagħhom bil-logħba tibqa’ inċerta sal-aħħar għalkemm finalment ħarġu minn dan il-konfront li ntlagħab fil-Furjana b’punt kull wieħed.
It-tim fit-tieni post Żejtun Laċċi naqqsu d-distakk minn mal-Furjaniżi wara li għelbu lil Floriana Ajax B 6-2.
Sliema Lounge A telgħu fil-ħames post tal-klassifika wara skor ta’ 5-3 kontra Ħamrun Bayern B.
Sadanittant, Birgu Boċċi Club A rebħu l-konfront dirett kontra Domus Men 5-3 sabiex issa qabżu waħedhom fl-ewwel post tal-klassifika tat-tieni diviżjoni. Anke Duke’s Bar rebħu bl-istess skor lil Cox Bar fiwlaqt li Beland Żejtun u Top Gun Bar kellhom rebħiet faċli kontra Leah’s A (6-2) u Żebbuġ Rangers FC (8-0) rispettivament.
Fit-tielet diviżjoni, Leah’s Bar baqgħu fil-quċċata tal-klassifika hekk kif għelbu lil Tal-Ġilju Mqabba 6-2.
Birgu Boċċi Club B u Domus Ladies kisbu l-istess skor ta’ 5-3 kontra Tal-Balklor u Munchies Bar rispettivament filwaqt li Żejtun Laċċi B ħadu tliet punti importanti sabiex jibqgħu jissieltu għat-titlu hekk kif għelbu lil Sliema Lounge B 6-2.
KLASSIFIKA – MDA L-EWWEL DIVIŻJONI
Floriana Ajax Premier Cars A 17, Żejtun Laċċi Gold Lady 15, Ħamrun Bayern A 13, Birżebbuġa Lions 11, Sliema Lounge A 7, Floriana Ajax MCP 6, PO’s Bar 2, Ħamrun Bayern B 1,
KLASSIFIKA – MDA IT-TIENI DIVIŻJONI
Birgu Boċċi Club A 19, Domus Men’s 16, Duke’s Bar 15, Top Gun 13, Żebbuġ Rangers DT, Beland Żejtun 7 , Cox Bar 6, Leah’s Bar 0
KLASSIFIKA – MDA IT-TIELET DIVIŻJONI
Leah’s Bar B 19, Żejtun Laċċi Maypole 18, Birgu Boċċi B 17, Munchies 9, Mqabba Tal-Ġilju, Tal-Balklor, Nicolo Isouard 7, Domus Ladies 6, Sliema Lounge B 0
