Il-Ħadd li għadda l-klabb lokali ta’ Ħamrun Bayern organizza turnament ta’ ġurnata fl-Imrieħel.
Madwar 42 plejer ħadu sehem f’din l-attivita’ fejn il-livell ta’ darts muri kien wieħed verament għoli.
Fl-ewwel post spiċċa Norbert Attard li fil-finali għeleb lil Albert Scerri 5-1. Fit-tielet post spiċċaw Kevin Aquilina u Kevin Spiteri filwaqt li l-ogħla finish marret għand Godfrey Abela.
Il-preżentazzjoni tat-trofej saret mis-sur Mark Micallef, uffiċjal u plejer tal-klabb.
