Ħamrun Bayern, Floriana MCP, Team Fgura A u Floriana Premier CC huma s-semifinalisti tal-kampjonat tas-sajf tad-darts wara r-riżultati li kellna fl-aħħar ġurnata.
Floriana MCP aċċertaw ruħhom minn post mal-aħħar erbgħa hekk kif iddominaw il-konfront kontra Leah’s Bar 6-0. Dan ir-riżultat kien daqqa ta’ ħarta għal Birgu Boċċi Club li setgħu jiġu biss fi draw ta’ 3-3 kontra Ħamrun Bayern, skor li ma kienx biżżejjed sabiex jgħaddu għas-semifinali.
F’logħba oħra minn grupp A, PO’s Bar għalqu l-impenji tagħhom bil-kbir b’rebħa ta’ 5-1 kontra Fgura Maypole.
Fi grupp B, Team Fgura A spiċċaw fl-ewwel post tal-klassifika wara li għelbu 6-0 lil Duke’s Bar filwaqt li Top Gun Bar ħadu walk-over fuq Juventutis Domus.
KLASSIFIKA – GRUPP A
Ħamrun Bayern 28, Floriana MCP 22, Birgu Boċċi Club 20, Fgura Maypole, PO’s Bar Gudja 7. Leah’s Bar 2,
KLASSIFIKA – GRUPP B
Team Fgura A 22, Floriana Premier CC 16, Juventutis Domus 9, Top Gun 5, Duke’s Bar 2,
