Balzan FC ħabbru li Dave Rogers ħalla l-kariga tiegħu bħala Head Coach tal-Ewwel Tim minħabba ċirkostanzi personali mhux previsti.
Il-president tal-klabb Anton Tagliaferro qal “Nixtiequ nirringrazzjaw lil Dave tax-xogħol iebes u l-isforz kollu tiegħu matul iż-żmien li għamel ma’ Balzan FC u nawguraw lilu u lill-familja tiegħu.”
Dave Rogers qal “Gawdejt ħafna ħini f’Malta u speċjalment bħala Head Coach ta’ Balzan FC għalkemm minħabba ċirkustanzi personali sfortunati rrid inwarrab mill-pożizzjoni tiegħi b’effett immedjat. Nawgura lil kulħadd f’Balzan FC l-aħjar għall-futur.”
L-Assistent Coach Daryl Willard se jkompli fir-rwol tiegħu ta’ caretaker coach.
Balzan bħalissa jinsabu fil-qiegħ tal-klassifika wara li ġabru biss disa’ punti minn żewġ rebħiet u tliet draws minn 15-il partita.
