Napoli ngħaqdu ma’ Juventus u Roma fit-tentattiv li jakkwistaw is-servizzi tal-plejer ta’ Sassuolo Davide Frattesi. Dan tal-aħħar għandu 23 sena u ilu ma’ Sassuolo sa mis-sena 2017 għalkemm kien ukoll misluf lil Monza, Ascoli u Empoli.
Matul dan l-istaġun, Frattesi kellu kampjonat pożittiv bil-logħob tiegħu f’nofs il-grawnd b’Napoli li għandhom bżonn plejer f’dan id-dipartiment tant importanti.
Frattesi diġa’ lagħab ukoll erba’ logħbiet mat-tim nazzjonali Taljan immexxi minn Roberto Mancini.
