Dayot Upamecano kien wieħed mill-ismijiet li ġibed l-attenzjoni ta’ diversi klabbs kbar matul dan is-sajf, fosthom ukoll Inter, li riedu bħala għajnuna importanti għad-difiża. Il-kuntratt tiegħu ma’ Bayern Munich jintemm fl-2026, jiġifieri fi tmiem l-istaġun, u s’issa għadu mhux ġie rinnovat, fatt li jista’ jagħmlu opportunità interessanti bħala aġent ħieles.
Sadanittant, wara r-rebħa ta’ 3-1 fuq Chelsea fil-UEFA Champions League, Upamecano tkellem ma’ gazzetta Ġermaniża u ħalla l-futur tiegħu miftuħ beraħ. Hu qal li jħossu komdu fl-Allianz Arena kif ukoll mal-kowċ Vincent Kompany. Hu sostna li l-aġent tiegħu għadu jinnegozja mal-ogħla awtoritajiet mill-Bavarja u qed jistenna riżultati pożittivi dwar rinnovar fil-kuntratt.
