Il-federazzjoni tal-football mill-Azerbaigan ħabbret li l-coach Taljan Gianni de Biasi se jibqa’ fit-tmun tat-tim nazzjonali sa Novembru 2023, iġifieri sa tmiem il-logħob ta’ kwalifikazzjoni ta’ EURO 2024.
Gianni de Biasi għandu esperjenza vasta fil-qasam tal-coaches u apparti li mexxa diversi timijiet tal-football Taljani, hu kkowċja lit-team nazzjonali tal-Albanija bejn l-2011 u l-2017 tant li wkoll wassalhom sal-fażi finali tal-Kampjonat Ewropew 2016.
Dan l-aħħar hu kkowċja wkoll fi Spanja ma’ Levante u Alaves.
