Arsenal ikkonfermaw l-akkwist tal-midfielder internazzjonali Ingliż, Declan Rice, mingħand West Ham għal £100 miljun flimkien ma’ £5 miljuni f’żidiet oħra.
It-tħabbira tal-Gunners waslet wara li l-player ta’ 24 sena kiteb ittra miftuħa lill-partitarji tal-Hammers fejn qal kemm kienet deċiżjoni diffiċli li jitlaq lill-club.
Rice ffirma kuntratt ta’ ħames snin ma’ Arsenal fi ftehim li għandu għażla ta’ sena oħra.
“Ingħaqadt ma’ Arsenal minħabba li kien jogħġobni l-proġett tagħhom.
“Fl-istaġun 2021-22 huma kienu spiċċaw fil-ħames post, iżda l-istil tal-logħob mill-ewwel kien laqatni u għaldaqstant dejjem xtaqt li nilgħab taħt ir-responsabbiltá tal-manager Mikel Arteta.”
“L-istaġun li għadda kien staġun eċċellenti, li resqu qrib li jirbġu il-kampjonat. Nispera li fl-istaġun li ġej inkun player importanti biex ngħin lill-Gunners jirbħu t-titlu.
