Fi tmiem il-konfront ta’ jumejn ilu bejn Bournemouth u Tottenham Hotspur mirbuħa minn dawn tal-aħħar bl-iskor ta’ 2-0, l-attakkant internazzjonali Svediż Dejan Kulusevski deher ferm kuntent u sodisfatt wara li skorja wieħed mill-gowls li xpruna lit-tim għas-suċċess finali.
Kulusevski kien ilu ma jiskorja għal seba’ xhur sħaħ u dan il-gowl se jtih ħafna kuraġġ għall-kumplament tal-istaġun li għadu kemm beda.
Kulusevski faħħar ferm lill-kowċ il-ġdid Ante Postecoglou li tah ħafna fiduċja u hu se jipprova juri l-kwalitajiet tiegħu bl-aħjar mod possibbli.
