L-attakkant ta’ Juventus Dejan Kulusevski huwa uffiċjalment player ġdid ta’ Tottenham Hotspur.
Il-Lilywhites xeħtu l-attenzjoni tagħhom fuq l-internazzjonali Żvediż wara li raw lil Adama Traore u Luis Diaz jingħaqdu ma’ Barcelona u Liverpool rispettivament.
Spurs u Juventus huma rrappurtati li qablu dwar self għal Kulusevski sal-aħħar tal-istaġun b’għażla ta’ £33m biex jixtru, li tista’ tinbidel f’obbligu jekk jintlaħqu ċerti kriterji.
Kulusevski skorja disa’ goals u pprovda 10 assists f’74 dehra għall-Bianconeri fil-kompetizzjonijiet kollha, u l-wasla tal-player ta’ 21 sena tista’ tiftaħ il-bibien biex Bryan Gil jitlaq b’self ma’ Valencia.