Hekk kif l-eks plejer ta’ AC Milan Dejan Savicevic kien preżenti għall-finali tal-UEFA Champions League bejn Inter u Manchester City, hu tkellem dwar is-sitwazzjoni tal-eks tim tiegħu u l-għażla li għamel is-sid Amerikan Gerry Cardinale biex iwarrab lil Paolo Maldini minn diriġent tal-klabb.
Savicevic qal li din id-deċiżjoni kienet offiża għall-futbol Taljan mhux biss għall-ambjent Milanista aktar u aktar għal dak li għamel għal dan il-klabb.
Savicevic temm jgħid li l-Amerikani iktar jifhmu fil-basketball jew rugby milli fil-futbol u għalhekk fisser din l-għażla bħala ridikola.
