Il-Beltin maħsuda bil-mewt ħabta u sabta ta’ Shawn Mallia fl-età ta’ 41 sena.
Ma naqsux l-għadd kbir ta’ messaġġi ta’ kondoljanzi fuq il-midja soċjali fosthom tas-Sindku tal-Belt Valletta Alfred Zammit fejn kiteb: “Il-Belt Valletta llum tibki wieħed minn uliedha. Shawn dejjem kellu għal qalbu dak li hu Belti.”
Shawn kien membru attiv tal-Għaqda Festa Madonna tal-Karmnu. Fil-fatt fuq il-paġna tal-istess Għaqda ntqal li Shawn ta ħafna minn ħinu biex jaħdem fis-skiet fl-imħażen tagħhom.
Fost ħafna persuni oħra, anke l-Viċi Sindku tal-Belt Valletta Ray Azzpardi fakkar il-memorja tiegħu fejn qal li se jibqa’ jgħożż il-memorji tiegħu kemm tal-karnival kif ukoll tal-festa tal-Karmnu.
Persuna oħra qalet: “Aħbar li laqas f’mitt sena ma kont nobsorha… Shawn Mallia ħallejtna litteralment bla kliem u bla sliem. Dejjem bid-daħqa fuq wiċċek anki meta kont f’mumenti diffiċli. Dejjem tara kif se tferraħ lil ta’ madwarek.”