Id-Deputat Laburista Jean Claude Micallef sostna li minn dejjem kien ċar li huwa favur il-poplu ta’ Marsaskala.
Apparti minn hekk qal li huwa minn dejjem kien ċar li huwa kontra kwalunkwe proġett li jkun rovina għal-lokalità li eleġġitu bħala Membru Parlamentari f’isimha.
Huwa qal dan b’rabta mal-proġett propost tal-marina f’Marsaskala li jidher li hemm membri oħra li ma jaqblux ma’ dan il-proġett.
F’messaġġ fuq il-midja soċjali, Micallef qal: “Qaluli li kont waħdi, anke kien hemm min sejjaħli purċinell. Nibqa’ nipperswadi, nibqa’ nistika għalik b’suċċess.”
