Il-Kap tal-Oppożizzjoni Adrian Delia staqsa fil-Parlament jekk kienx hemm xi ministru minn dawk li ssemmew fir-rapport tal-Kummissarju għall-Istandards fil-Ħajja Pubblika li kellu xi stqarrija x’jagħmel lill-Parlament.
Delia sostna li r-rapport jgħid li ħames ministri ħadu flus intiżi għal xogħol ministerjali biex jagħmlu propoganda personali u għalhekk jistenna reazjoni mill-Gvern jew minnhom.
Għalkemm ħadd min-naħa tal-Gvern ma wieġeb għas-sejħa tiegħu Delia baqa’ jinsisti fuq it-talba tiegħu bl-Ispeaker iwieġbu li ma setax jobbliga lill-Gvern jagħmel stqarrija ministerjali.
