Minn Cristian Muscat
Kif bdiet l-imħabba tiegħek lejn il-futbol?
L-imħabba tiegħi lejn il-futbol bdiet minn ta’ etá żgħira, meta konna nilagħbu fit-triq ma’ sħabi.
Iddeskrivi l-esperjenza passata tiegħek ma’ Qala Saints FC.
L-esperjenza tiegħi ma’ Qala Saints FC kienet waħda mill-isbaħ fejn f’sena u nofs irbaħna t-Tazzi kollha possibli li tista’ titbaħ fil-futbol Għawdxi.
X’tikkummenta fuq l-andament tat-tim matul l-istaġun li għadda, fejn irbaħtu l-Gozo League?
Lgħabna futbol sabiħ u effettiv ħafna. Konna wkoll l-aktar tim konsistenti u frott ta’ dan irbaħna l-Kampjonat.
X’tikkummenta fuq l-eks kowċ ta’ Qala Saints FC, Shaun Bajada?
Il-kowċ, Shaun Bajada, huwa kowċ ta’ livell għoli u jaf x’għandu jagħmel biex plejer joħroġlu t-tajjeb tiegħu.
X’tikkummenta fuq l-unur li rbaħt riċentement tal-GFA Plejer tas-Sena 2025?
L-unur li rbaħt, irbahtu bis-saħħa tal-familja li kelli ma’ Qala Saints FC, speċjalment il-plejers li għamluli ħajti faċli fil-grawnd.
Kif qed tħares lejn l-esperjenza ġdida tiegħek ma’ Victoria Hotspurs FC, fejn għall-ewwel darba se tkun qed tilgħab fin-National Amateur League 1 f’Għawdex?
Hija sfida oħra fil-karriera tiegħi u waħda li qed inħares lejha b’ħeġġa kbira.
Kif tqis il-livell tal-futbol Għawdxi fil-preżent?
Il-Kampjonat Għawdxi huwa wieħed kumbattut ħafna fejn dejjem ikun tlieta jew erba’ timijiet jiġġieldu għar-rebħ tal-kampjonat.
U dak tar-riżorsi (grawnds) fejn titħarrġu u tilagħbu l-logħob kompetittiv tagħkom?
Il-Gozo Stadium huwa grawnd mill-aqwa u training grounds dejjem jitjiebu għall-aħjar.
Għaddi messaġġ finali lil min jixtieq jagħmel karriera ta’ suċċess fil-futbol.
Ikun serju f’dak li jagħmel u joħlom dejjem!