“Din il-gwerra trid tintemm. Trid issir pressjoni fuq ir-Russja biex ittemm il-gwerra. Putin ma jifhem xejn ħlief dwar il-forza u l-pressjoni.”
Dan iddikjarah fl-aħħar sigħat il-President tal-Ukrajna, Volodymyr Zelensky. Kompla jgħid li “naturalment, qed nagħmlu u se nkomplu nagħmlu dak kollu meħtieġ biex nipproteġu l-istat tagħna u l-poplu tagħna. Il-President tal-Istati Uniti għandu raġun assolutament – dan irid isir mhux biss fid-difiża. Sadanittant, ma nnaqqsux ir-ritmu fid-diplomazija, fil-kuntatti kollha tagħna mas-sħab, sabiex in-negozjati jsiru – it-tip ta’ negozjati li jistgħu verament iġibu l-paċi eqreb.”
Hu qal ukoll li “l-konsulenti tas-sigurtà nazzjonali qed jaħdmu. Kellhom konverzazzjoni lbieraħ u kien hemm ħafna komunikazzjoni llum ukoll. Fil-livell tagħhom, il-militar, il-Kmandant Kap, l-Istaff Ġenerali, qegħdin jaħdmu fuq il-komponent militari tal-garanziji tas-sigurtà għall-Ukrajna. Issa, kull jum jitfasslu l-kontorni tal-arkitettura tas-sigurtà futura għall-Ukrajna. Armi, fondi, kooperazzjoni mas-sħab, forzi fuq l-art, fl-ajru, u fuq il-baħar. U kuljum, se jittieħdu passi ġodda minn dawk li qegħdin jgħinuna biex jappoġġjaw lill-Ukrajna. Se jkollna ħafna xogħol diplomatiku x’nagħmlu. Nirringrazzja lil kull min jinsab magħna, mal-Ukrajna.”