Luxol St Andrews Futsal Club dalwaqt se jibdew l-impenji tagħhom fil-Kompetizzjoni tar-Round Prinċipali tal-UEFA Champions League. Din se tkun l-ewwel darba li r-rappreżentanti Maltin se jkunu qed jospitaw dan l-avveniment minn Path A fi Grupp 3 li jinkludi wkoll iċ-Champions Sloveni Dobovec, ir-rappreżentanti Olandiżi Hovocubo, u ċ-Champions Ewropej renjanti Barcelona ta’ Spanja. Il-grupp Main Round se jintlagħab f’Malta bejn il-25 u t-30 ta’ Ottubru huwa skedat li jittella’ fil-Kumpless Sportiv tal-Università f’Tal-Qroqq.
Bħalissa Luxol jinsabu fil-Polonja fejn se jkunu qed jilagħbu diversi partiti ta’ ħbiberija. kontra ċ-Champions Pollakki Piast Gliwice.
F’kummenti ma’ talk.mt, Jones emfasizza l-fatt li din tista’ tkun opportunità unika għal Luxol Futsal biex jiktbu l-istorja u javvanzaw għall-Elite Round mal-aqwa 16-il team fl-Ewropa, hekk kif tlieta minn erba’ timijiet f’dan il-Grupp 3 miżmum f’Malta se jkunu qed jiksbu l-kwalifikazzjoni. Żied jgħid li dan it-tournament bla dubju se jirrappreżenta l-ogħla standards f’dak li għandu x’jaqsam mal-Futsal internazzjonali billi se jkunu involuti wkoll iċ-Champions Ewropej renjanti Barcelona.
Luxol Futsal kisbu diversi akkwisti ġodda għal din il-kompetizzjoni tal-UEFA, fosthom l-eks plejer ta’ Lazio, is-Sloven Dejan Bizjak, u erba’ plajers Brażiljani ġodda, Diece, Rodrigo Fumaca, Victor Dias u l-keeper Celio Cabral. Akkwist ieħor għal din l-esperjenza tal-Euro jinkludu lil Luke Gatt, Andre Ciancio, Gregory Busuttil, u Ryan Marmara. Id-Direttur Tekniku kkonkluda li l-ħiliet u l-għarfien tal-logħba minn akkwisti ġodda, flimkien mal-attributi tal-kowċ Gabriel Dobre, u plejers stabbiliti fit-team fosthom Mark Zammit, Stefan Vella, Emil Raducu, Everton Veve, Maicon Da Silva, u Celino Alves, żgur li se jkunu qed jagħtu lil dan il-grupp ta’ plejers l-aqwa possibbiltà li jiktbu l-istorja u jikkwalifikaw għall-Elite Round ta’ din il-kompetizzjoni ferm importanti.
