Wednesday, April 2, 2025

DIRETTUR ĠDID GĦALL‑KUMMISSJONI MIGRANTI

Aqra wkoll

L‑Arċisqof Charles Scicluna ħatar lir-Rev. Jesmond Schembri bħala Direttur tal‑Kummissjoni Migranti. Huwa qed jieħu post Dun Anton D’Amato li kien ilu jservi f’din il‑kariga għal kważi ħames snin.

Il‑Kummissjoni Migranti ilha għal dawn l‑aħħar 75 sena tgħin lill‑emigranti Maltin u l‑familji tagħhom, kif ukoll lill‑immigranti li ġew f’Malta biex isibu kenn jew biex jaħdmu. Fost ħidmietha, il‑Kummissjoni toffri għajnuna lill‑immigranti biex jgħixu b’dinjità u tgħinhom fil‑proċess ta’ integrazzjoni fis‑soċjetà Maltija.

Rev. Jesmond Schembri gradwa fil‑Ħidma Soċjali mill‑Università ta’ Malta u dik ta’ Hull fir‑Renju Unit. Hu studja wkoll it‑Teoloġija fil-Fakultà tat-Teoloġija fl-Università ta’ Malta.

Huwa ġie ordnat djaknu tal-Knisja Griega-Kattolika f’Mejju 2023. B’esperjenza estensiva fil-ħidma soċjali, partikolarment fil-qasam tad-dipendenzi, ikkontribwixxa wkoll għall-iżvilupp tal-politika soċjali u ħadem fil-protezzjoni tad-data. Huwa ngħaqad mal-Kummissjoni Migranti f’Ottubru 2023.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport