Diversi ġurnali Ingliżi qed ifaħħru l-wirjiet tal-attakkant internazzjonali Taljan Wilfried Gnonto li bħalissa qed jilgħab ma’ Leeds United. Dan tal-aħħar skorja l-gowl tad-dro f’riżultat ta’ 2-2 li kellhom kontra Manchester United.
“Plejer li għandu talent kbir, plejer versatili u anke lest biex jgħin lit-tim.” – hekk kienu d-dikjarazzjonijiet ta’ diversi kritiċi tal-futbol Ingliż lejn dan il-plejer li għalkemm qsajjar, għandu teknika tajba bil-ballun.
Għal Gnonto, dan kien it-tieni gowl li skorja fil-kampjonat Premier Ingliż wara dak li skorja fl-4 ta’ Jannar li għadda kontra West Ham United.
Gnonto fisser ukoll kemm hu kuntent f’Elland Road.
