Il-Malta Blackball Federation organizzat ir-raba’ ranking tournament għal din is-sena fejn wara sensiela ta’ logħob ġew magħrufa r-rebbieħa ta’ diversi kategoriji.
Fil-finali ta’ taħt it-23 sena, Clydon Attard sabha ferm diffiċli sabiex għeleb lil Matthias Debono 9-8 f’logħba li kienet waħda ferm bilanċjata biż-żewġ plejers viċin xulxin.
Fis-Seniors ‘il fuq minn 40 sena, kien Clint Azzopardi li ħareġ rebbieħ fuq Jesmond Schembri 10-6 filwaqt li fil-Masters ‘il fuq minn 50 sena, Chris Mills għeleb l-isfida ta’ Ivan Rizzo u rebaħlu 10-6.
Finalment, John Lombardo iddomina għal kollox il-finali tal-Grandmasters ‘il fuq minn 60 sena meta għeleb lil Noel Felice 8-0.
