Sar magħruf li d-difensur Taljan Domenico Criscito se jħalli lil Toronto FC tal-Kanada wara biss erba’ xhur.
Jidher li l-eks plejer ta’ Genoa, Juventus u Zenit St Petersburg ma darax l-ambjent Kanadiż u wera x-xewqa li jirritorna lura f’pajjiżu.
Criscito laħaq lagħab 15-il partita u skorja gowl wieħed biss. Hu għamel id-debutt tiegħu fid-9 ta’ Lulju 2022 kontra San Jose Earthquakes bil-logħba tispiċċa fi dro ta’ 2-2.
L-eks plejer tat-tim nazzjonali Taljan qed jiġi segwit minn diversi klabbs tas-serie A li jixtiequ l-firma tiegħu f’Jannar li ġej.
