Il-President tal-Istati Uniti Donald Trump, kompla s-sensiela ta’ tweets fuq il-profil personali tiegħu ta’ Twitter. Din id-darba huwa għażel li jattakka lil Fox News, il-kamra tal-aħbarijiet li xxaqleb lejn ir-Repubblikani u li dejjem kienet minn ta’ quddiem biex taqbeż għall-istess Donald Trump.
Fi tweet, Trump kiteb li l-popolarità ta’ Fox News “ikkollassat drastikament”. Huwa kompla jgħid li l-kamra tal-aħbarijiet “nesiet min kien il-wiżż tad-deheb għalihom,” b’referneza indiretta għalih.
Trump kiteb ukoll li d-differenza bejn l-elezzjoni tal-2016, liema hu rebaħ kontra Hillary Clinton u din l-elezzjoni kienet Fox News. Din it-tweet hija waħda mis-sensiela ta’ tweets “delużjonali” li Trump qiegħed iħalli hekk kif il-President-Elett Joe Biden rebaħlu t-tellieqa għall-presidenza.
