Hibernians … 2
Gudja U … 1
Hibernians: 24-Ibrahim Kone, 3-Ferdinando Apap, Gonzalo Bravo (4-Kurt Shaw 86), 7-Thaylor Aldama (13-Zachary Grech 89), 8-Jake Grech, 10-Jurgen Degabriele (17-Gabriel Mensah 90), 11-Bjorn Kristensen, 12-Dunstan Vella, 22-Gabriel Artiles, 23-Yuri Muritala, 88-Rodolfo Soares Coach: Andrea Pisanu
Gudja U.: 1-Glenn Zammit, 3-Juan Bolanos, 5-Andre Prates, 9-Vito Plut, 13-James Arthur, 14-Neil Micallef, 17-Karl Micallef, 19-Johann Bezzina (10-Ayrton Azzopardi 85), 30-Matias Muchardi, 39-Samel Gomes (11-Ahinga Selemani 73), Nicolas Navarrete (7-John Mintoff 80) Coach: Andrea Agostinelli
Referee: Ishmael Barbara
Ass. Referees: Roberto Vella, James Muscat
Raba’ Uffiċjal: Slobodan Petrovic
Skorers: M. Muchardi 10 (G), J. Degabriele 20, 79 (H)
Ammoniti: N. Micallef, K. Micallef, A. Prates, J. Arthur (G), G. Artiles, Y. Muritala (H)
Player tal-Logħba: Mathias Muchardi (Gudja U.)
Kellha tkun doppjetta personali ta’ Jurgen Degabriele li kkastigat lil Gudja United hekk kif il-Pawlisti ħarġu rebbieħa bl-iskor ta’ 2-1.
Gudja fetħu l-iskor fl-10 minuta meta l-ewwel Gomes kellu xutt salvat mill-goalkeeper tal-Pawlisti Ibrahim Kone biex mir-rebound, il-ballun spiċċa għand MATIAS MUCHARDI li spara f’xibka vojta.
Hibernians wieġbu mal-kwarta logħob peemezz ta’ freekick ta’ Jurgen Degabriele li iżda ġie salvat tajjeb mill-goalkeeper ta’ Gudja, Glenn Zammit.
Gudja resqu viċin li jirduppjaw l-iskor permezz ta’ Vito Plut tliet minuti biss wara iżda x-xutt tiegħu mid-distanza għadda għoli.
Madankollu, kienu Hibernians li ġabu l-iskor indaqs fl-20 minuta meta Bjorn Kristensen għadda through pass preċiż lejn JURGEN DEGABRIELE li b’xamma kbira għall-goal tefa’ ġewwa.
Fit-38 minuta Jake Grech tilef ċans tad-deheb li jitfa’ lit-team minn Raħal Ġdid fil-vantaġġ meta kellu xutt fil-baxx minn tarf il-kaxxa li ġie salvat minn Glenn Zammit.
Dan sabiex żewġ minuti biss wara Matias Muchardi venven xutt li ħareġ l-aħjar ta’ Kone li salva bi bravura.
Il-partita kompliet tisbieħ u fit-68 minuta Degabriele kellu xutt mid-distanza li ġie savat minn Zammit.
Fit-72 minuta, daqqa ta’ ras ta’ Ferdinando Apap kienet imblukkata minn Zammit fuq il-linja fatali hekk kif il-Pawlisti bdew jagħmlu minn kollox biex isibu l-goal tar-rebħa.
U dan kellu jasal proprju fid-79 minuta meta Dunstan Vella għadda tajjeb lejn JURGEN DEGABRIELE li żmarkat tefa’ l-ballun wara Zammit.
