Douglas Luiz saħaq li jinsab ‘100% ffukat’ fuq Aston Villa, minkejja li ġie mċaħħad milli jingħaqad ma’ Arsenal fl-aħħar stadji tas-suq tat-trasferimenti tas-sajf.
Hu maħsub li l-Gunners għamlu mill-inqas żewġ offerti għall-Brażiljan fil-ġurnata tal-iskadenza tat-trasferimenti, li l-aħħar minnhom intqal li kienet ta’ madwar £25 miljun, iżda Villa indikaw li ma kinux lesti li jħalluh jitlaq.
Luiz mar fuq il-media soċjali qabel il-konfront tas-Sibt fil-Premier League kontra Manchester City biex jinsisti li jinsab ‘100% ffukat’ fuq il-futur tiegħu f’Villa Park.
