Birkirkara…………….1
Marsaxlokk…………..1
Birkirkara u Marsaxlokk temmew il-konfront ta’ bejniethom fi draw ġust ta’ 1-1.
Kienu x-Xlukkajri li ħarġu fuq l-offensiva u fl-10 minuta daqqa ta’ ras mill-viċin ta’ Juan Cruz Aguilar ġiet salvata mingħajr wisq diffikultá mill-goalkeeper Taljan tal-Istripes, Giacomo Nava.
Birkirkara wieġbu sitt minuti wara meta tentattiv minn pożizzjoni ideali tal-iskorer prolifiku Arġentin Enzo Daniel Cabrera għadda ftit barra.
Ix-Xukkajri reġgħu ħolqu l-periklu fis-37 permezz ta’ xutt mid-distanza ta’ Yannick Yankam sab lill-goalkeeper Serb ta’ Marsaxlokk, Marko Drobnjak, attent.
U jidher li t-team talk tal-coach ta’ Marsaxlokk, Pablo Doffo, ħalliet l-effett mixtieq hekk kif fis-47 minuta huma fetħu l-iskor meta wara li rċieva minn cross ta’ Santiago Moracci, TIAGO ADAN FONSECA, kien fil-post it-tajjeb fil-mument opportun u mill-viċin tefa’ ġewwa.
Birkirkara rrispondww fit-62 minuta meta wara li rċieva minn conera mogħti minn Diego Pires dall’Oca, Andrei Ciolacu kellu d-daqqa ta’ ras tiegħu mill-viċin li għaddiet ftit barra.
L-Istripes komplew jippressaw għall-goal tad-draw u erba’ minuti wara rebħu penalty meta Claudio Bonanni waqqa’ lil Enzo Daniel Cabrera fil-kaxxa. Mill-11-il metro nkariga ruħu l-istess ENZO DANIEL CABRERA li ma żbaljax, hekk kif permezz ta’ xutt fil-baxx tefa’ l-ballun naħa u lil Drobnjak in-naħa opposta.
Il-partita kompliet tiżvolġi b’ħafna logħob f’nofs il-ground bl-iskor jibqa’ ma jinbidilx.
Birkirkara: 1-Giacomo Nava, 6-Diego Pires Dall’Oca, 8-Yannick Yankam, 10-Paul Mbong, 11-Kurt Zammit, 20-Matteo Fedele (99-Andrei Ciolacu 63), 22-Cain Attard, 30-Enzo Daniel Cabrera, 72-Alessandro Coppola, 77-Denis Custodio Ribeiro, 92-Kevin Tulimieri (23-Jean Paul Farrugia 85) Coach: Giovanni Tedesco
Marsaxlokk: 95-Marko Drobnjak, 7-Ayrton Attard (96-Daniel Agius 80), 13-Claudio Bonanni, 17-Peter Xuereb, 24-Juan Cruz Aguillar, 27-Leandro Aguirre, 30-Ryan Scicluna, 37-Fabian Santiago Moracci, 88-Dejan Vukovic, 93-Vamara Sanago, 99-Tiago Adan Fonseca (8-Terence Vella 73) Coach: Pablo Doffo
Referee: Glen Tonna
Ass. Referees: Jurgen Spiteri, Vasil Vasilev
Raba’ Uffiċjal: Matthew De Gabriele
Skorers: T. A. Fonseca 47 (M), E. D. Cabrera pen. 66 (B)
Ammoniti: D. Pires Dall’ Oca, K. Tulimieri (B), M. Drobnjak, P. Xuereb, V. Sanaga, T. Sdan Fonseca (M)
Player tal-Loghba: Juan Cruz Aguillar (M)
