Floriana … 0
Balzan … 0
Floriana: 33-Georgi Kitanov, 2-Adam Magri Overend, 3-Christian Rutjens (5-Zachary Cassar 53), 4-Oualid El Hasni, 7-Mattia Veselji (8-Kemar Reid 66), 9-Andrei Ciolacu (25-Lorenzo Trillo 46), 16-Ezequiel Fernando Juarez, 17-Owen Spiteri, 21-Carlo Zammit Lonardelli (30-Jan Busuttil 46), 22-Kyrian Nwoko (72-Eden Hershkovich 66), 24-Lorenzo De Grazia Coach: Gianluca Atzori
Balzan: 23-Jonathan Debono, 2-Ivan Bozovic, 5-Samir Arab, 6-Marcus Grima (24-Marcus Grima 55), 8-Paul Fenech, 18-Uros Ljubomirac, 19-Milos Zlatkovic, 27-Momcilo Raso, 33-Albuguerque de Sousa Nogureira, 44-Adam Bradshaw (21-Alex Satariano 70), 86-Bojan Kaljevic (20-Suleiman Jalu 77) Coach: Oliver Spiteri
Referee: Trustin Farrugia Cann
Ass. Referees: Luke Portelli, Shaun Calleja
Raba’ Uffiċjal: Etienne Mangion
Skorers: Ħadd
Ammoniti: C. Rutjens, O. El Hasni, Z. Cassar (F), I. Bozovic, P. Fenech, M. Grima, U. Ljubomirac (B)
Player tal-Logħba: Bojan Kaljevic (B)
F’partita li naqset milli tilħaq l-aspettativa, Floriana u Balzan, temmew il-konfront ta’ bejniethom fi draw ġust ta’ mingħajr goals.
Kien biss fit-28 minuta li waslet l-ewwel azzjoni denja ta’ nota bil-Greens ikunu huma li joħolqu l-periklu meta minn azzjoni ta’ freekick mogħti minn Lorenzo De Grazia, Christian Rutjens minn pożizzjoni ideali kellu t-tentattiv tiegħu minn daqqa ta’ ras jistampa mal-mimduda, b’Balzan jeħilsuha ħafif.
Balzan wieġbu żewġ minuti biss wara meta Uros Ljubomirac xeħet cross lejn Mateus Nogureira li kellu d-daqqa ta’ ras tiegħu mill-viċin tintemm ftit għoli.
Huma komplew fuq l-offensiva u fit-32 minuta Uros Ljubomirac wiċċ imb’wiċċ mal-goalkeeper Bulgaaru ta’ Floriana Georgi Kitanov ra lil dan tal-aħħar isalva tajjeb.
L-azzjoni sussegwenti waslet fis-76 minuta meta s-sostitut ta’ Floriana Lorenzo Trillo indirizza cross għan-nofs li sab lis-sostitut l-ieħor Jan Bustuttil li kellu t-tentattiv tiegħu permezz ta’ daqqa ta’ ras mill-viċin jiġi salvat mill-goalkeeper ta’ Balzan, Jonathan Debono, mgħejjun mill-mimduda.
Balzan wieġbu erba’ minuti biss wara permezz ta’ xutt mid-distanza ta’ Paul Fenech li għadda ftit barra.
Iżda kienu Floriana li tilfu ċans tad-deheb li jiskorjaw l-goal tar-rebħa meta Lorenzo De Grazia kellu xutt mill-ewwel minn qagħda ideali li stampa mal-mimduda.
Balzan wieġbu fis-87 minuta permezz ta’ xutt mid-distanza tas-sostitut Suleiman Jalu li għadda ftit għoli.
Il-Greens reġgħu tilfu ċans ieħor li jsibu x-xibka żewġ minuti biss wara meta Eden Hershkovich żmarkat u minn pożizzjoni ferm ideali tefa’ inkreddibilment barra permezz ta’ daqqa ta’ ras.
