Gzira U. …….2
Melita ………2
Minn Cristian Muscat
Fil-Malta Premier League, Gzira United irkupraw żvantaġġ ta’ żewġ goals biex spiċċaw fi draw ġust ta’ 2-2 kontra Melita.
Kienu dawn tal-aħħar li fetħu l-iskor wara biss sitt minuti meta mill-free-kick ta’ Martinez, HENRIQUE MARCELINO MOTTA xellef il-ballun bir-ras biex għeleb lill-goalkeeper, Giulio Mangano.
Gzira wieġbu fis-17-il minuta iżda Lucas Macula kellu x-xutt tiegħu jiġi salvat tajjeb mill-goalkeeper ta’ Melita, Aleksander Lubik.
Fit-32 minuta, reġgħu kienu l-Maroons li heddew meta Thaylor Aldama għadda lejn Lucas Macula li naqas li jagħmel kuntatt mal-ballun biex iċ-ċans sfuma fix-xejn.
Melita wieġbu man-nofs siegħa logħob meta minn kontrattakk veloċi Kurt Bondin għadda tajjeb lejn Andres Gonzalez Sanchez iżda l-goalkeeper Mangano ħareġ minn postu biex salva kull periklu.
Ħames minuti wara, fuq in-naħa l-oħra, kien Aleksander Lubik li interċetta tajjeb fuq Thiago Espindola.
Fil-ħin miżjud tal-ewwel taqsima, Andre Penha da Costa għal Melita għadda tajjeb lejn CAMILO ANDRES SANCHEZ li waħdu quddiem Mangano ma ħafirx biex fetaħ vantaġġ doppju għall-Ġiljaniżi.
Fid-49 minuta, Henrique Marcelino Motta ċaħħad lill-Gżirjani milli jnaqqsu l-marġni tal-iskor meta mblokk fil-ħin it-tentattiv ta’ Lucas Macula.
Iżda huma dan, fl-54 minuta, meta NIKOLA DISIC daħal tajjeb fil-kaxxa u quddiem Lubik ma żbaljax.
Fil-65 minuta, Melita kienu perikolużi wara li minn corner Motta għola tajjeb u kellu d-daqqa ta’ ras tiegħu salvata tajjeb minn Mangano.
Fit-72 minuta, Gzira kisbu d-draw meta Aldama tefa’ cross fil-baxx u LUIS CARLOS RIASCOS approfitta u xeħet fix-xibka.
Minuta qabel tmiem il-partita, Melita spiċċaw jilagħbu b’għaxar players wara li Gareth Barone waqqa’ lil Thaylor Aldama u peress li kien l-aħħar raġel irċieva karta ħamra diretta
Fil-ħin miżjud il-Maroons ġralhom l-istess meta tkeċċa Nikola Disic ukoll permezz ta’ karta ħamra diretta.
GZIRA U.: 30-Giulio Mangano, 5-Enrico Pepe, 6-Andrew Borg, 7-Thaylor Aldama, 11-Lucas Ribeiro De Oliveira (4-Joseph Marie Minala 89), 14-Luis Carlos Riascos, 17-Montell Shaquill (18-Diogo Barbosa 83), 20-Stefan Denic, 22-Kurt Zammit, 93-Thiago Espindola de Paula, 99-Nikola Disic – Coach: Giovanni Tedesco
MELITA: 12-Aleksander Lubik, 3-Aldair Pena Simanca, 6-Jean Pierre Attard, 9-Andre Carlos Penha Da Costa, 11-Alan Borg Olivier (7-Karl Mohnani 78), 13-Marc Van de Font Bovenkamp (24-Gareth Barone 61), 14-David Xuereb, 26-Kurt Bondin (21-Nick Cutajar 78), 27-Andres Gonzalez Sanchez, 29-Henrique Marcelino Motta, 77-Santiago Perlaza Martinez (22-Gyamfi Collins 40) – Coach: Clive Mizzi
REFEREE: Malcolm Spiteri
ASS. REFEREES: Roberto Vella, Max-Lee Muscat
RABA’ UFF: Philip Farrugia
SKORERS: H. M. Motta 8, C. A. Sanchez 47 (M), N. Disic 54, L. C. Riascos 72 (G)
AMMONITI: E. Pepe, T. Aldama, K. Zammit (GU), M. Van De Font Bovenkamp, K. Bondin (M)
TKEĊĊEW: G. Barone 90 (M), N. Disic 95 (GU)
