Mosta…………….1
Birkirkara………..1
Mosta u Birkirkara temmew il-konfront ta’ bejniethom fi draw ġust ta’ 1-1.
Kienu l-Istripes li ħarġu fuq l-offensiva u wara biss sitt minuti, resqu viċin li jiftħu l-iskor permezz ta’ xutt b’saħħtu ta’ Andrei Ciolacu li stampa mal-mimduda.
Madankollu, Mosta rnexxielhom jiftħu l-iskor fis-27 minuta meta Rodruguez Ekani serva lil BOUBAKARY DIARRA li dar tajjeb ma’ difensur avversarju qabel venven xutt minn barra l-kaxxa li ma ġiex miżmum mill-goalkeeper Taljan tal-Istripes, Giacomo Nava.
Birkirkara rrispondew fis-37 minuta permezz ta’ cross-shot ta’ Denis Custodio Ribeiro mix-xellug li ġie salvat mill-goalkeeper ta’ Mosta, Ini Etim Akpan, iżda tliet minuti wara, Mosta tilfu ċans tajjeb li jirduppjaw l-iskor meta wara li Zachary Brincat għadda tajjeb lejn Christ Ememe, dan tal-aħħar tefa’ għoli minn pożizzjoni ideali.
L-Istripes kienu sfortunati li ma ġabux l-iskor indaqs fit-43 minuta, meta rovexxjata ta’ Matteo Fedele ġiet ikklerjata minn fuq il-linja fatali u mir-rebound, Andrei Ciolacu, reġa’ laqat il-mimduda għat-tieni darba fil-partita.
Madankollu, Birkirkara, ma kellhomx jiġu mċaħħda żewġ minuti wara, meta Andrei Ciolacu, xeħet cross mix-xellug u t-tentattiv ta’ YANNICK YANKAM laqat il-wieqfa qabel intemm ġewwa.
Tliet minuti mill-ftuħ tat-tieni taqsima, Christ Ememe, kellu xutt minn barra l-kaxxa li għadda ftit barra. Dan sabiex fil-61 minta, Neil Micallef, kellu xutt b’saħħtu għal Birkirkara, li għadda ftit barra, iżda tliet minuti wara Precious Linus Tenebe għal Mosta, resaq viċin li jsib ix-xibka permezz ta’ xutt fil-baxx minn tarf il-kaxxa li ġie mdawwar f’corner minn Nava.
Fis-87 minuta, kellu jkun Nava li salva lil Birkirkara meta dawwar f’corner daqqa ta’ ras ta’ Michael Chidera Okoh, wara li rċieva minn cross ta’ Zachary Brincat mil-lemin. Mill-corner li rriżulta mogħti minn Clayton Failla, Okoh tefa’ ftit barra.
Minuta fil-ħin miżjud, Alex da Paixao Alves għadda tajjeb lejn Kevin Tulimieri li kellu x-xutt fil-baxx tiegħu salvat tajjeb minn Akpan.
Mosta: 12-Ini Etim Akpan, 6-Roderick Briffa (99-Ferebory Dore 81), 8-Christ Ememe, 10-Precious Linus Tenebe (14-Kaishu Yamazaki 67), 11-Duane Bonnici (24-Michael Chidera Okoh 67), 13-Clayton Failla, 20-Boubakary Diarra, 30-Jacob Akrong, 74-Jake Vassallo, 77-Zachary Brincat (22-Tyrone Farrugia 90), 98-Rodriguez Ekani (43-Steve Kingue 92) Coach: Joseph Grech
Birkirkara: 1-Giacomo Nava, 2-Osvaldo Iorio, 8-Yannick Yankam, 11-Kurt Zammit, 20-Matteo Fedele (7-Alex Da Paixao Alves 72), 22-Cain Attard, 25-Neil Micallef (23-Jean Paul Farrugia 82), 30-Enzo Daniel Cabrera, 72-Alessandro Coppola, 77-Denis Custodio Ribeiro, 99-Andrei Ciolacu (92-Kevin Tulimieri 72) Coach: Giovanni Tedesco
Referee: Slobodan Petrovic
Ass. Referees: Alan Camilleri, Duncan Spencer
Raba’ Uffiċjal: Philip Farrugia
Skorers: B. Diarra 27 (M), Y. Yankam 45 (B)
Ammoniti: J. Akrong, C. Ememe, M. Chidera Okoh (M), K. Zammit, M. Fedele, E. D. Cabrera (B)
Player tal-Logħba: Andrei Ciolacu (Birkirkara)
