L-attakkant internazzjonali Serb Dusan Vlahovic jista’ jkun qed jfittex trasferiment lejn il-Premier League. Keith Wyness, eks kap eżekuttiv ta’ Everton u konsulent għal diversi klabbs Ingliżi, sostna li l-attakkant ta’ Juventus qed jimmira lejn it-Tottenham Hotspur Stadium.
Wyness qal li l-ftehim jista’ jsir f’Jannar. Għal Juventus, bejgħ possibbli ta’ Vlahovic f’dan il-perjodu jippermetti li jevitaw li jitilfuh b’xejn, iġibu dħul immedjat u jiffrankaw parti mill-paga ta’ 12-il miljun ewro fis-sena.