L-attakkant ta’ Fiorentina, Dusan Vlahovic mhux lest jikkunsidra kwalunkwe offerta ta’ trasferiment matul it-tieqa tat-trasferimenti ta’ Jannar.
Il-player ta’ 21 sena skorja 16-il goal minn 19-il dehra fis-Serie A dan l-istaġun, u kompla jistabbilixxi ruħu bħala wieħed mill-aktar players imfittxija fl-Ewropa.
Diversi clubs tal-Premier League, fosthom Manchester City, Arsenal u Newcastle United, ġew marbuta ma’ offerta għall-internazzjonali Serb.
Madankollu, Vlahovic m’għandu l-ebda intenzjoni li jħalli lill- Viola qabel tmiem l-istaġun.
Huwa mifhum li l-aġent tiegħu mhux lest li jżomm xi negozjati mal-partijiet interessati, skond it-talba tal-attakkant innifsu.
Il-valutazzjoni ta’ Vlahovic hija ta’ £67 miljun, ċifra li x’aktarx ma titlax bil-player li fadallu biss 18-il xahar fil-kuntratt tiegħu.