Il-Ministru għall-Wirt Nazzjonali, Arti u Gvern Lokali Jose Herrera informa lill-Parlament li l-Infiorata ta’ din is-sena ġiet tiswa €50,000, VAT eskluż.
Huwa kien qed iwieġeb mistoqsija tad-deputat Nazzjonalista Ivan Bartolo li ried ikun jaf kemm ġie jiswa l-armar tal-fjuri f’Misraħ San Ġorġ quddiem il-Palazz Presidenzjali.
Herrera spjega li x-xogħol kien jinkludi armar u żarmar tal-fjuri kif ukoll l-għoti tal-istess fjuri biex jitpoġġew fi spazji pubbliċi u jingħataw lill-kunsilli.
