Il-Ministru għall-Intern, Sigurta Nazzjonali u Infurzar tal-Liġi Byron Camilleri sostna li mhux infurmat li hemm xi immigranti fuq il-vapuri tal-Captain Morgan li jinsabu fuq strajk tal-ġuħ.
Huwa kien qed iwieġeb mistoqsija fil-Parlament tad-deputat Nazzjonalista Beppe Fenech Adami.
Sadanittant, id-deputat tal-Oppożizzjoni Godfrey Farrugia staqsih jekk hux veru li l-Gvern qed juża bastimenti merkantili biex “jisforza” immigranti lura lejn il-Libja.
Camilleri wieġbu li l-Gvern dejjem għamel ħafna iżjed mill-obbligi li hu marbut bihom biex isalva l-ħajjiet tal-immigranti.
