Is-serati uffiċjali tad-draws għall-Kampjonati tal-Irġiel u tan-Nisa Enemed Futsal 2025/26 saru fil-AX Palace Hotel, bil-klabbs kollha li se jipparteċipaw preżenti. Waqt l-avveniment kien gemm ukoll il-preżenza ta’ Sur Karl Loftus, Maniġer Kummerċjali ta’ Enemed, sieħeb fit-tul ta’ Futsal Malta.
Is-Sur Loftus esprima l-ferħ tiegħu li jkompli din il-kollaborazzjoni, u saħaq li Enemed kburi li jappoġġja l-futsal u l-komunità sportiva usa’. Huwa faħħar l-impenn u l-entużjażmu tal-kumitat, filwaqt li awgura suċċess lill-iskwadri kollha għall-istaġun li ġej.
Kampjonat tan-Nisa Futsal
Il-Kampjonat tan-Nisa se jsir nhar ta’ Tlieta u l-Erbgħa, u jibda fit-Tlieta 21 ta’ Ottubru 2025 fil-Kulleġġ De La Salle.
Partiti tal-Ġimgħa 1
- Tue 21 Ott, 20:30 (De La Salle College): St. George’s Futsal 🆚 Parr Mela Rockets Futsal
- Wed 22 Ott, 20:30 (De La Salle College): Luxol Sports Club Futsal Argus 🆚 Swieqi United Futsal LECO7
- Wed 22 Ott, 21:30 (Mediterranean College of Sport): Zero Sei Futsal 🆚 St. Andrews Futsal
Il-format se jkun jikkonsisti f’żewġ rawnds tal-kampjonat, b’ l-ewwel erbgħa jgħaddu għall-playoffs. Is-semi-finali jintlagħbu fuq żewġ legs, b’extra time f’każ ta’ parità, filwaqt li l-finali tkun fuq best-of-three series.
Kampjonat tal-Irġiel Futsal
Il-kompetizzjoni tal-Irġiel tibda iktar kmieni, nhar ta’ Erbgħa 8 ta’ Ottubru 2025 fin-National Sports School.
Partiti tal-Ġimgħa 1
- Wed 8 Ott, 20:45 (National Sports School): Futsal Selection U17 🆚 Marsaskala Futsal Legends
- Fri 10 Ott, 20:45 (National Sports School): University of Malta Futsal 🆚 Futsal Selection U19
- Sat 11 Ott, 16:45 (National Sports School): GŻR Birżebbuġa St. Peter’s Futsal 🆚 Sliema Futsal Fort Fitness
- Sat 11 Ott, 18:45 (National Sports School): Luxol St. Andrews Futsal 🆚 St. Venera Lightnings Futsal
Din is-sena l-format jinkludi rawnd wieħed round-robin, wara li t-timijiet jinqasmu fil-Premier u l-Challenger Leagues. Is-semi-finali jintlagħbu fuq żewġ legs, b’extra time f’każ ta’ parità, filwaqt li l-finali tkun fuq best-of-three series.
Matul il-laqgħa tad-draws ġie mfakkar ukoll li dan l-istaġun se jinkludi żviluppi eċċitanti għall-futsal f’Malta. Iż-żewġ Super Cups tal-Irġiel u tan-Nisa se jsiru f’Diċembru fin-National Sports School, akkumpanjati minn Futsal Village iddedikat għall-partitarji. Għall-ewwel darba, il-finali se jużaw ukoll VAR technology, li se jżid livell ieħor ta’ professjonaliżmu mal-kompetizzjonijiet. Barra minn hekk, qed jiġu finalizzati diskussjonijiet ma’ SportMalta biex jassiguraw sigħat ta’ taħriġ fil-Cottonera Sports Complex, li jagħtu lill-klabbs aċċess akbar għal faċilitajiet bi rati sussidjati. Il-partiti se jkomplu jixxandru live fuq il-kanal ta’ Futsal Malta fuq YouTube, filwaqt li l-partitarji huma mħeġġa jattendu personalment biex igawdu l-atmosfera vibranti mill-qrib.
Bħala tmiem tal-avveniment, il-Viċi President Sur Kurt Rizzo enfasizza l-importanza ta’ dan l-istaġun tal-anniversarju. Huwa rringrazzja lil Enemed, SportMalta, il-midja u l-klabbs għall-appoġġ tagħhom, u saħaq li l-futsal f’Malta qed ikompli jikber kemm fil-kwalità kif ukoll fil-popolarità, b’dan l-istaġun maħsub bħala sena ta’ importanza storika għall-isport.