Il-winger ta’ Real Madrid Eden Hazard jista’ jerġa’ jirritorna fil-kampjonat Premier Ingliż hekk kif Newcastle United qed jiġru wara l-firma tiegħu.
Il-plejer ta’ 31 sena ma tantx jinsab kuntent fil-belt kapitali Spanjola minħabba li mhux qed jilgħab regolari bil-kowċ Carlo Ancelotti li ħafna drabi jqisu bħala riserva milli plejer titolari.
Id-diriġenza ta’ Newcastle qed tagħrbel sew il-possibbilta’ li l-plejer versatili Belġjan jilbes il-flokk iswed u abjad tal-klabb fil-bidu tas-sena d-dieħla.
Hazard lagħab ma’ Lille u Chelsea qabel ma ngħaqad ma’ Real Madrid fis-sena 2019 u minn dakinhar ‘l hawn lagħab 51 partita u skorja erba’ gowls.