L-attakkant internazzjonali Belġjan Eden Hazard jista’ jħalli lil Real Madrid sabiex jerġa’ jmur jilgħab fil-Premier League Ingliż, din id-darba ma’ Aston Villa li issa huma mmexxija minn Unai Emery.
Hazard ftit ħalla impatt mal-Merengues kemm ilu li ngħaqad magħhom fis-sena 2019 u bejn xi injury u nuqqas ta’ forma fiżika mill-aqwa u issa bil-mod ta’ kif qed jilgħab Vinicius Junior, postu f’Estadio Bernabeu jidher fuq il-bank tas-sostituti.
The Villains jistgħu saħansitra jmorru għalih f’Jannar. Il-kuntratt ta’ Hazard jiskadi f’Ġunju 2024.
