Hekk kif Eden Hazard temm l-avventura tiegħu ma’ Real Madrid bil-kuntratt tiegħu li spiċċa f’Ġunju li għadda, l-ebda tim Ewropew jew mill-Arabja Sawdija ma mar għalih.
Hazard, li għandu 32 sena, qed jaħseb sabiex eventwalment jirtira mill-futbol anke għax f’dawn l-aħħar snin kien mifni minn diversi injuries.
Hazard ġie kkwotat jgħid li għandu xewqa kbira li jgawdi l-familja li tant għamlet sagrifiċċji minħabba fih u fuq kollox li jara l-ħajja minn lenti differenti. Minkejja kollox, hu ma kienx ċar jekk hux se jdendel iż-żarbun tal-futbol darba għal dejjem.
