L-eks plejer internazzjonali Belġjan Eden Hazard għandu l-futur tiegħu tassew imċajpar hekk kif wara li telaq minn ma’ Real Madrid f’Ġunju li għadda huwa ma rnexxilux isib klabb għal qalbu.
Fil-ġimgħat li għaddew hu kellu prova ma’ Molenbeek, tim fejn jilgħab ħuh Kylian iżda xejn ma ġie konkluż. Fl-istess ħin kien hemm offerti minn xi timijiet tal-Major League Soccer Amerikana iżda anke hawn ma kienx hemm suċċess.
Bosta ġurnalisti Belġjani qed jisħqu li Hazard jista’ jdendel iż-żarbun tal-futbol darba għal dejjem minħabba din is-sitwazzjoni.
