L-attakkant ta’ Manchester United, Edinson Cavani, se jkun qed iħalli lir-Red Devils bi free transfer fl-aħħar ta’ Ġunju.
L-internazzjonali Urugwaanj kien utilizzat mal-ewwel 11 kontra Crystal Palace il-Ħadd waranofsinhar u lagħab id-90 minuta sħaħ tat-telfa ta’ 1-0 tat-team tiegħu f’Selhurst Park.
Qabel il-partita, il-manager temporanju ta’ Manchester United Ralf Rangnick ikkonferma li l-attakkant ta’ esperjenza kien se jkun qed jilgħab l-aħħar partita tiegħu mal-club kontra t-team immexxi minn Patrick Vieira.