Sar magħruf li l-eks gowlkiper ta’ Manchester United, Ajax Amsterdam u Juventus fost l-oħrajn Edwin Van Der Sar jinsab lura fl-Olanda wara perjodu ta’ żmien rikoverat fit-terapija intensiva tal-isptar ġenerali ta’ Split fil-Kroazja.
Van der Sar instab li kellu kundizzjoni serja f’moħħu u issa jinsab fil-belt kapitali Olandiża Amsterdam sabiex ikompli r-rijabilitazzjoni tiegħu hemmhekk.
Il-familja Van der Sar bagħtet messaġġ uffiċjali lill-isptar ġenerali ta’ Split u rringrazzjaw lit-tobba u l-infermiera li daru wara l-eks gowlkiper internazzjonali Olandiż.
