Wara t-twaqqigħ tal-akkużi kollha kontra Mason Greenwood fi Frar tal-2023, Manchester United wettqu investigazzjoni bir-reqqa dwar l-allegazzjonijiet li saru kontrih.
Dan ibbaża ruħu fuq evidenza estensiva u kuntest mhux fid-dominju pubbliku, u r-Red Devils semgħu minn bosta nies b’involviment dirett jew għarfien tal-każ.
Matul dan il-proċess, il-benesseri u l-perspettiva tal-allegata vittma kienu ċentrali għall-inkjesti tal-klabb, u huma rrispettaw id-dritt tagħhom għall-anonimità tul il-perkors.
Man Utd kellhom ukoll responsabbiltajiet lejn Mason bħala żagħżugħ li ilu mal-klabb sa mill-età ta’ seba’ snin, u bħala missier ġdid mas-sieħba tiegħu.
Il-fażi ta’ tfittxija tal-fatti tal-investigazzjoni ta’ Man Utd issa hija lesta, u huma jinsabu fl-aħħar stadji biex jieħdu deċiżjoni dwar il-futur ta’ Mason.
Kuntrarjament għall-ispekulazzjoni tal-media, dik id-deċiżjoni għadha ma ttiħditx u bħalissa hija s-suġġett ta’ deliberazzjoni interna intensiva. Ir-responsabbiltà fl-aħħar mill-aħħar taqa’ fuq l-Uffiċjal Kap Eżekuttiv.
Ladarba tittieħed, id-deċiżjoni tiġi kkomunikata u spjegata lill-partijiet interessati interni u esterni tal-klabb.
Dan kien każ diffiċli għal kull min huwa assoċjat ma’ Manchester United, u huma qalu li jifhmu l-opinjonijiet qawwija li pprovoka abbażi tal-evidenza parzjali fid-dominju pubbliku. Huma talbu għal kawtela hekk kif qed jaħdmu fl-aħħar stadji ta’ dan il-proċess meqjus bir-reqqa.
