Wara li kollox kien jidher li Emerson Palmieri kien se jitlaq lil West Ham United sabiex imur jilgħab fit-Turkija, hu reġa’ bdielu u se jibqa’ jilbes il-flokk tat-tim minn Londra. Fl-aħħar mument il-plejer Italo/Brażiljan informa lill-aġent tiegħu sabiex iwaqqaf kull trattativa mal-klabbs Torok.
Emerson lagħab 85 logħba ma’ West Ham United, skorja tliet gowls u libes ukoll il-flokkijiet ta’ Chelsea, Roma, Olympique Lyon, Santon u Palermo.
Il-partitarji ta’ West Ham kitbu fuq il-profil soċjali tal-klabb fejn faħħru d-deċiżjoni ta dan il-plejer li jibqa’ jagħti qalbu għall-Hammers.
