Minn Cristian Muscat
Kif bdiet l-imħabba tiegħek lejn il-futbol?
Kont min dejjem immur il-grawnd minn ta’ etá żgħira nsegwi l-futbol ma’ missieri sakemm
minn erba’ snin qbadt nipprattikah u għadni nilagħbu sal-lum.
Iddeskrivi l-esperjenza preżenti tiegħek bħala team manager ta’ Pietá Hotspurs FC.
Din hija l-ewwel sena tiegħi f’din il-kariga u naħseb li qiegħed nagħmel xogħol utli ħafna. Hija kariga ta’ impenn u dedikazzjoni kbira li jekk ma tagħmilhiex mill-qalb diffiċli biex ikollok suċċess fijha. Għalkemm hemm affarijiet li jonqosni nimmatura fihom u nitgħallem, naħseb li rnexxieli ngħaqqad skwadra u ħloqt entużjażmu fit-tim.
X’tikkummenta fuq l-andament tat-tim tiegħek matul dan l-istaġun sa issa?
It tim baqagħlu ftit logħbiet mit-tmiem tal-kampjonat u għadna biċ-ċans li nagħmluha għall- promozzjoni, tim żagħżugħ li ta logħba lil kulħadd u li kieku għal naqa aktar esperjenza qegħdin f’pożizzjoni u ċans fem aħjar minn fejn qegħdin għall-promozzjoni.
X’inhuma t-tragwardi tagħkom għal dan l-istagun?
It-tragward tagħna diġá ilħaqnieh li niġu mal-ewwel tmienja wara li jintemm l-ewwel rawnd ta’ logħob. Issa qegħdin hemm għall-promozzzjoni u nippruvaw nissieltu għaliha wkoll.
Kif tqis il-livell tal-futbol Malti fil-preżent?
Rigward il-livell tal-futbol Malti nemmen li ħafna plajers barranin qegħdin jieħdu post tfal promettenti Maltin għax tal-BOV Challenge League mbagħad għola għax qegħdin jinżlu plejers ta’ kwalita tajba mill-Malta Premier.
Nixtieqek tgħaddi l-aħħar messaġġ lil dawk it-tfal u / jew żgħażagħ li qed jaqraw din l-intervista u li jridu jibdew il-futbol.
Kulma nixtieq ngħdilhom huwa li l-futbol huwa kollu tlugħ u nżul, l-importanti ma taqta’ qalbek qatt u tibqa’ tiġġieled għal dak li tixtieq u emmen fik innifsek biex tasal b’sagrifiċċju u determinazzjoni!
