Enzo Fernandez ġedded il-kuntratt tiegħu ma’ Chelsea sa Ġunju 2032 iġifieri sa tmien snin oħra. Il-plejer Arġentin, champion tad-dinja fil-Qatar f’Diċembru li għadda, wasal f’Londra f’Jannar li għadda u jinsab ferm għal qalbu mill-ftit li ilu magħhom.
Fernandez s’issa lagħab għaxar logħbiet ma’ Chelsea iżda għadu ma skorjax gowls. Aktar qabel hu libes il-flokkijiet ta’ River Plate, Defensa y Justicia u Benfica. Hu għandu 22 sena.
