Toontuloon Animation Studio bi pjaċir tħabbar il-produzzjoni Karamellu tar-Raħal t’Isfel, serje animata ġdida li tieħu lit-telespettaturi fuq vjaġġ nostalġiku lura għas-snin Ħamsin (1950-1959).
Din is-serje, li għandha għaxar episodji, se tibda tixxandar nhar it-Tnejn, 27 ta’ Jannar 2025, fil-16:55 fuq ONE TV. Hija tagħti ħajja lill-memorji mill-isbaħ ta’ tifel żgħir li jismu Karamellu, li jikber fil-komunità magħquda tar-raħal taż-Żejtun.
Bil-kitba tal-awtur Charles Buttigieg (In-Nannu Karm), is-serje hija ispirata minn esperjenzi reali li juru b’mod ħaj il-ferħ, l-isfidi, u r-ritmu tal-ħajja ta’ kuljum fi żmien iktar kalm u kwiet. Permezz ta’ karattri nostalġiċi u stejjer li jolqtuk, is-serje Karamellu tar-Raħal t’Isfel tiċċelebra t-temi universali tal-familja, il-ħbiberija, u l-esperjenzi tat-tfulija, li jgħixuhom in-nies ta’ kull età.
Is-serje toffri esperjenza qawwija ta’ komunità ħajja, flimkien mat-tradizzjonijiet mill-isbaħ ta’ żmien li għadda. Kemm jekk trabbejna Malta jew kemm jekk sempliċement inħobbu stejjer dwar l-esperjenza tal-ħajja jew u konnessjoni li jibqgħu rilevanti maż-żmien, Karamellu tar-Raħal t’Isfel iwiegħed li jmisslek qalbek.
“Karamellu tar-Raħal t’Isfel mhijiex biss serje animata,” jgħid is-Sur Buttigieg, “hija tagħti ġieħ lill-ħlewwa u s-sempliċità tal-ħajja fiż-Żejtun fis-snin Ħamsin—dinja li ssaħħar, komunità kalma, serena, u valuri dejjiema li għad għandhom is-siwi tagħhom anke llum.”
B’animazzjoni mill-isbaħ, stejjer li jistgħu jolqtuk personalment, u spirtu nostalġiku, is-serje se tkun tabilħaqq ta’ pjaċir għaż-żgħar u l-kbar. Titlifx it-tnedija. Ingħaqad ma’ Karamellu u l-familja tiegħu huma u jagħtu ħajja lill-istorja fuq l-iskrin.
Dan il-proġett huwa megħjun mill-Kunsill Malti għall-Arti u sponsorjat miċ-Ċentru tal-Ilsien Malti (ĊIM), Melita Foundation, APS Bank, L-Aġenzija Nazzjonali tal-Litteriżmu, Strand Palace Agencies (Sizzzlers & Twistees), Erremme Business Advisors, Xjenza Malta, Nectar Limited, Country Terrace Restaurant (Gozo), Jesper’s Bakery, Mulberry Insurance Brokers, Tristar Travel, Book Distributors Ltd (BDL), u District 5 Restaurant (Birżebbuġa)
Informazzjoni dwar ix-Xandir
• Titlu tas-Serje: Karamellu tar-Raħal t’Isfel
• Studio: Toontuloon Animation Studio
• Data tat-Tnedija: It-Tnejn, 27 ta’ Jannar 2025
• Ħin: 16:55
• Stazzjon: ONE TV
• Ripetizzjonijiet: Xandira ta’ episodji matul il-ġimgħa
Segwi l-vjaġġ ta’ Karamellu tar-Raħal t’Isfel fuq:
• Facebook: Karamellu tar-Raħal f’isfel Facebook
• Sit Elettroniku: nannukarm.org
Għal mistoqsijiet tal-media, intervisti, jew informazzjoni addizzjonali, jekk jogħġbok ikkuntattja: [email protected]
