Erik ten Hag, nhar it-Tnejn wasal fil-club ta’ Manchester United biex jibda fit-tmexxija tiegħu tat-team wara li nhar il-Ġimgħa li għadda, huwa temm il-kuntratt tiegħu ma’ Ajax hekk kif l-istaġun fl-Olanda ġie fi tmiemu.
Huwa ddeċieda li ma jmurx mal-iskwadra fil-pajjiż ta’ Curacao biex jiċċelebraw ir-rebħ tat-titlu iżda minflokk mar f’Old Trafford biex jibda r-renju tiegħu.
Fil-veritá huwa se joqgħod ftit ‘il bogħod mill-iskwadra matul din il-ġimgħa minħabba li nhar il-Ħadd li ġej se tkun impenjata fl-aħħar ġurnata tal-istaġun għand Crystal Palace taħt it-tmexxija tal-coach Ralf Rangnick.
Peró se jibda jaħdem minn wara l-kwinti biex jibda jifformulizza l-istaff tiegħu.
