Il-partita ta’ nhar il-Ħadd li ġej tal-Premier League Ingliż bejn Crystal Palace u Manchester United se tkun l-ewwel waħda għall-manager il-ġdid tar-Red Devils, Eric ten Hag.
Huwa se jkun biss bħala spettatur minħabba li ma jistax ikun fuq il-bank. Peró din se tkun ukoll l-aħħar waħda tal-manager temporanju, Ralf Rangnick, li kien inġieb f’Novembru li għadda biex jieħu post Ole Gunnar Solskjaer.
Ten Hag diġá beda bil-ħidma tiegħu f’Old Trafford fejn qed jassessja lill-players li ħafna minnhom se jkollhom iħallu lill-club.
